Idda (Anima Mundi)

Descrizione

https://m.facebook.com/1166241813434909/posts/3006947349364337/?notif_id=1584866328620365&notif_t=story_reshare&ref=notif?sfnsn=scwshmo&extid=Y0kZUpjG2vrMYCqs

IDDA

Mentri caminava a 'da ura

i me occhi s' arristaru supra na fiura.

Era bedda comu lu suli e li stiddi

Cu l'occhi ranni e di smeraldu virdi.

Ci spiai: "ma cu si"?

M'arrispunniu: "sugnu Idda"

"Sugnu Idda,

chidda ca dormi sutta a cuperta ianca,

c'ammutta lu semi ca non si stanca.

Sugnu Idda,

chidda ca vesti di milli culuri

d'aceddu i muntagna a lu pisci d'u mari.

Sugnu Idda,

chidda c'afferra di lu suli u raggiu

e lu porta rittu 'nfrunti cu curaggiu.

Sugnu Idda,

chidda ca sciuscia e u vecchiu fa cascari

fogghi e rami p' addevi cuariari.

L'acqua ca scinni e u focu ca 'nchiana

girannu ntunnu pi nun toccu i campana.

Teniti prontu cu cori leggiu,

taliiti attornu c' è sempri peggiu.

Vaddimi ca mi canusci bonu

appoia aricchi... u senti stu sonu?

IDDA (Anima Mundi)